Blogerja Sarah Berisha i ka thënë “Po” sot një ndryshimi në look-un e saj.
Nuk bëhet fjalë për një ngjyrë të re flokësh sepse të gjithë tashmë e dimë se ajo mundohet t’i qëndrojë sa më pranë natyrales dhe ka pranuar se asnjë ngjyrë nuk i shkon më shumë se ajo ‘bio’.
Megjithatë, ish-konkurrentja e “Big Brother Albania VIP” i ka shtuar ca baluke pamjes së saj, duke iu bashkuar trendit të vjeshtës. Shumë vajza të showbiz-it shqiptar e të huaj kanë prerë së fundmi flokët me baluke.
Blogerja, tepër e ndjekur në rrjete sociale, ndan vazhdimisht momente të përditshmërisë edhe me të dashurin e saj Dj PM.
Madje së fundmi, ajo kishte “ankesa” për partnerin sepse ai e kishte lënë në plan të dytë, pasi ishte fokusuar tek futbolli.
“Ky i imi është super i mërzitur se Milan po del 1 me 1 ose nuk e di. Një mesazh për ju vajzat që jeni single, mos gjeni të dashur që dashuron futbollin, sepse gjithmonë do të jeni në vend të dytë.”- tha ajo me shaka.
Pyetjes se nëse është xheloze për PM, më herët blogerja iu përgjigj se vajzat i afrohen edhe kur janë të dy, por ajo ka besim tek ai.
“Kur u njohëm ishim në këtë profesion. Do ishte e tepërt të bëhem xheloze se luan muzikë. Edhe kur jemi bashkë gocat afrohen për foto. Nëse ndonjëra afrohet dhe e puth normale që është e tepërt. Kam shumë besim te ai. Ma ka dhënë sigurinë kështu që jam shumë e qetë. Ka disa gjëra në çift që nuk i pëlqen dhe në BBV nuk i kemi folur. Por janë disa gjëra për të cilat duhet të bëjmë kompromis.”
“Nuk e kemi menduar të ardhmen. Po shijojmë këtë fazën kështu dhe unë nuk mund të lëviz jashtë Shqipërisë. Edhe PM ka familjen dhe punën në Kosovë është shumë shpejt. Më vonë nuk i dihet”, tha ajo për planet e së ardhmes me PM.
