Ditën e djeshme në rrjet qarkulloi një video ku disa turistë spanjollë u sulmuan nga pronari i një restoranti në Porto Palermo, pasi u larguan pa paguar sepse nuk u pëlqeu shërbimi në restorant.
“Report tv” publikoi videon e momentit kur pronari i restorantit iu hodh me trup furgonit ku udhëtonin turistët spanjollë.
Ngjarja kishte ndodhur dy ditë më parë dhe ditën e djeshme, pronari Mihal Kokëdhima u arrestua.
Sot, Gjykata e Vlorës ka vendosur masën “arrest me burg” për pronarin e lokalit i cili tmerroi turistët spanjollë.
Avokati i Kokëdhimës është shprehur se do ta apelojë vendimin e Gjykatës së Vlorës.
