Cara Delevingne i ka dhuruar shkencës orgazmën e saj për dokumentarin “Planet Sex”, i cili pritet të transmetohet këtë javë.
Në serinë e BBC, modelja dhe aktorja vizitoi një spital në Gjermani dhe dhuroi një mostër të gjakut të saj para dhe pas aktit, në mënyrë që të zbulojë se çfarë i bën orgazma kimisë së trupit të një personi.
Kjo matet përmes nivelit të endokannabinoideve, një kimikat që është treguar se promovon relaksim dhe redukton ankthin.
Duke folur në episod, Delevingne, e cila identifikohet si biseksuale, thotë:
“Unë jam këtu për të pasur një orgazëm dhe për t’ia dhuruar atë shkencës. Mendoj se dëshira seksuale e femrave është ndrydhur përfundimisht. Unë e di nga jeta ime dashurore se sa seksuale mund të jenë gratë, kështu që do të mendonit se në shekullin e 21-të burrat dhe gratë duhet të kenë jetë seksuale po aq të kënaqshme, apo jo?
“Epo, përgatituni për një tronditje. Kur bëhet fjalë për orgazmën ka një hendek të caktuar gjinor. Shkencëtarët thonë se 95 për qind e meshkujve heteroseksual përjetojnë orgazëm gjatë marrëdhënieve seksuale, por gratë vetëm 65 për qind.
Kujtojmë që Cara mori një vëmendje të madhe pas një paraqitjeje të saj në rrugë. Më herët, foto të modeles në gjendje aspak të mirë u bënë virale në rrjet.
