‘Piranjat’ e kanë pjesë të misionit të tyre demaskimin e pedofilëve dhe perversëve që nga sezoni i parë e deri tani. Raste të shumta janë trajtuar dhe thuajse çdo javë ka vend për një manjak, pedofil, shantazhues, ose pervers.
Këtë herë, ndryshe nga të gjitha herët e tjera, kemi të bëjmë me një rast të padëgjuar më parë. Bëhet fjalë për një zotëri nga Peqini, Algerti, i cili kishte shkruajtur vetë në redaksinë e emisionit, për një denoncim.
Ai në fakt, nuk kishte interes denoncimin, por ngacmimin e gazetarëve të ‘Piranjave’. Algerti nisi sulmin e tij me mesazhe erotike dhe dërgimin e imazheve pornografike.
‘Piranja’, Kamila Xhakaj me një durim të hekurt bisedoi me perversin e radhës duke nuhatur si diçka nuk shkonte dhe Algerti kishte më shumë për të rrëfyer dhe ashtu ndodhi. Në bisedë e sipër me Kamilen, ai tregoi se kishte prekur në lagje një 10 vjeçare duke e kapur nga trupi dhe në zona intime.
Në këtë moment, u kuptua se ata kishin të bënin me një person të rrezikshëm që duhej trajtuar me kujdes. ‘Piranja’ Kamila e ftoi në redaksinë e emisionit Algertin duke angazhuar të gjithë stafin për një pritje sa më të mirë.
Në fakt ndodhi më e pabesueshmja, Algerti erdhi nga Peqini për në Tirane dhe u paraqit në orarin e caktuar. Zyrat e ‘Piranjave’ u kthyen në një ‘hotel’ periferie me recepsion të mirëfilltë dhe e pritën Algertin me tapet të kuq.
Në momentin që Algerti u fut në zyrë u shfaqën para tij të gjitha ‘Piranjat ‘duke i ofruar një pritje mjaft të ngrohtë dhe ‘të përzemërt’.
Algerti u mundua të largohej, duke pasur një përballje mjaft të fortë me Kamilën në largimin e tij.
