Fotot e Kidës me gërsheta afrikane kanë revoltuar ndjekësit në Instagram.
Kida shfaqet me look-un e ri në një postim të cilin e ka quajtur: “africana”.
Për këtë, shumë njerëz po e kritikojnë se këngëtarja po fyen njerëzit me ngjyrë duke e trajtuar modelin e flokëve që është pjesë e traditës së tyre si një zgjedhje mode.
Duke errësuar lëkurën dhe duke kapur flokët gërsheta, Kida po kryqëzohet nga ndjekësit veçanërisht të huaj, për kryerjen e atij që jashtë vendit njihet si përvetësim kulturor- të kopjosh sjellje, tradita apo veshje të caktuara nga një kulturë pjesë e së cilës nuk je, kryesisht për të tërhequr vëmendje sa i takon pamjes së jashtme.
“Ky është përvetësim kulturor, mungesë e theksuar respekti ndaj komunitetit të njerëzve me ngjyrë. Mund të bësh më mirë”, shkruan një ndjekës.
Pas kësaj, Kida vendosi të fshijë disa nga komentet në këtë foto, siç shkruajnë disa ndjekës.
“Pse po i fshin komentet për përvetësimin kulturor? Turp. T’i lexosh e të mësosh diçka të re, jo t’i shikosh si diçka negative.”
Një fenomen pak i njohur në vendin tonë, përvetësimi kulturor ndodh përshembull, sa herë një këngëtar shqiptar, vendos të huazojë elemente nga kultura të huaja për ta bërë interesant produksionin muzikor.
Një rast mund të ishte klipi “Ku ma le” i Samantës, që imiton veshjen dhe kërcimet indiane.
Kjo kritikohet për shkak se konsiderohet pandjeshmëri ndaj gjithë pjesës tjetër të kulturës që ti imiton, duke marrë ç’të intereson ty dhe duke shpërfillur vuajtjet dhe gjithë historinë e njerëzve të atij komuniteti.
