Përveç daljeve në ekran, moderatorja Arbana Osmani mundohet të jetë sa më aktive dhe në kontakt me ndjekësit e saj në rrjete sociale.
Ajo ndan në llogarinë e saj në Instagram momente të shumta nga përditshmëria, receta gatimi si dhe përjetime apo opinione personale.
Mirëpo, postimi i fundit i moderatores na ka tërhequr vëmendjen dhe në fakt na bëri merak.
“Psikologjia thotë se personi që përpiqet të bëjë këdo të lumtur, shpesh përfundon duke u ndjerë më i vetmuari.”- është shprehja që Arbana ka ndarë me ndjekësit e saj që me siguri kanë pyetur veten ç’kuptim ka kjo për moderatoren.
Sigurisht që Arbana mund t’i referohet vetes së saj dhe mendja na shkon tek emisioni “Dua të të bëj të lumtur”, ku mundohet të bëjë të lumtur qindra shqiptarë.
Mirëpo, nuk përjashtohet mundësia që kjo të jetë thjesht një shprehje që i ka pëlqyer dhe të mos ketë aspak lidhje me jetën e saj personale.
Në fakt, moderatorja duhet të jetë tashmë në kulmin e lumturisë, pasi është në pritje të fëmijës së saj të dytë.
Ajo dhe Eduart Grishaj po presin një fëmijë së bashku dhe aludohet se bebushi është djalë.
