Ajo e ka shprehur se gjëja për të cilën shpenzon më shumë janë rrobat. Dhe kur bëhet fjalë për Zaimina Vasjarin, kjo është shumë e besueshme. Sot Zaimina është jo vetëm një këngëtare dhe autore këngësh por edhe një femër që i ka hyrë botës së biznesit dhe shitjes së fustaneve klasike, edhe pse personalisht ndihet më seksi kur vesh “xhinse dhe T-shirt”.
Në moshën 16-vjeçare, Zaimina u shpall Miss Shqipëria 2002. Që nga ajo datë jeta e saj ndryshoi përfundimisht duke kaluar nga një vajze e thjeshtë, në një ikonë bukurie shqiptare.
Sot, edhe pse kanë kaluar 14 vjet, bukuria dhe eleganca e saj nuk vihen në diskutim, edhe pse shpesh herë bukuroshja është vënë nën shënjestrën e akuzave për ndërhyrje plastike. Megjithatë, vetë Zaimina e ka pranuar që ka bërë ndërhyrje në gjoks. Ajo e ka thënë vetë se, “sa i përket gjoksit, kam kryer ndërhyrje, pra i kam të bëra”.
Zaimina është kthyer sot në një “bizneswomen” dhe është fokusuar gjatë gjithë vitit për të ngritur biznesin që mban emrin e saj. Kur është fjala për veshjet, Zaimina është e para që thotë se preferon më mirë “një zhveshje të bukur se sa një veshje të keqe”.
Si duket nuk e kishte fjalën për fotot e fundit që ajo ka postuar në “Instagram” dhe që po i çmend të gjithë tani që vera ka mbaruar dhe ajo po shijon detin dhe diellin në Dubai. Sot ajo kishte postuar një foto në ku shkruan, “nuk pendohem” dhe mediat direkt e kanë lidhur këtë deklaratë me gjoksin e që kishte ekspozuar.
Sa i përket çështjeve të zemrës, Zaimina aktualisht thotë se është më mirë beqare, ose të paktën kështu e kuptuam ne, kur shoqja e saj Françeska Jaçe tha: S’ka të dashur, s’ka probleme”, dhe Zaimina e aprovoi. Deri tani nuk dimë asgjë se kush ia ka vjedhur zemrën bukuroshes brune.
