Mbrëmjen e sotme stadiumi “Air Albania” në kryeqytet do të mirëpresë ndeshjen Shqipëri- Çeki, për kualifikueset e Euro 2024.
Ndeshja do të nis në orën 20:45 dhe si gjithmonë me emocione shumë të forta, do të vijojë për plot 90 minuta.
Në një ndeshje kaq të rëndësishme edhe rregullat janë të ashpra.
Policia e Shtetit i ka bërë thirrje tifozëve të cilët do të ndjekin ndeshjen në lokale apo stadium që të zbatojnë me rigorozitet udhëzimet e autoriteteve.
Është ndaluar futja në stadium me flakadanë, sende të forta dhe metalike apo banderolave me përmbajtje raciste. Po ashtu personat që dëmtojnë pajisjet në stadium gjatë momentit që do të ndiqet ndeshja, do të ndiqen me sanksione penale.
“Të nderuar tifozë dhe sportdashës që keni vendosur të ndiqni në stadium apo në mënyrë të organizuar, në lokale, ndeshjen e futbollit Shqipëri-Çeki, ju rikujtojmë se:
•Jeni të detyruar të zbatoni me rigorozitet, ligjet e shtetit shqiptar, rregullat kombëtare, ato ndërkombëtare dhe udhëzimet e autoriteteve, për pjesëmarrjen në aktivitete sportive;
•Ndalohet futja në stadiumin “Air Albania”, e flakadanëve, lëndëve piroteknike, sendeve të forta dhe metalike, monedhave, sendeve/produkteve për përdorim kozmetik dhe banderolave me përmbajtje raciste ose diskriminuese;
•Ndalohet mbulimi i fytyrës që bën të pamundur identifikimin e tifozit/es;
•Thyerja e ulëseve apo e pajisjeve të tjera në stadium, dëmtimi i pronës private në lokale apo në ambiente të tjera ku do të ndiqet ndeshja, si dhe prishja e qetësisë publike në sheshe apo në rrugë, janë vepra penale dhe shtetasit që do t’i kryejnë këto veprime, do të përballen me sanksionet penale, konform ligjeve në fuqi në Republikën e Shqipërisë.
