Ndeshja mes Kosovës dhe Zvicrës, e vlefshme për kualifikueset e Euro 2024, e cila do luhet të shtunën në Fadil Vokrri, është mjaft speciale për lojtarin shqiptar të “Helvetëve”, Granit Xhaka. Në konferencën për shtyp përpara ndeshjes, Xhaka preku tema të ndryshme.
“Është një ndeshje e veçatë për mua dhe familjen. Nuk krahasohen sepse është ndryshe, jam i kënaqur që jam këtu dhe pres nesër një ndeshje me shumë emocione”.
Pyetja– Marrëdhëniet me Zvicrën dhe Kosovën janë pak ndryshe, a ke bërë ndonjë përgatitje ndryshe nga ndeshjet e tjera?
Granit Xhaka: “Ne e njohim mirë Kosovën dhe lojtarët e saj. Trajneri na ka përgatitur njësoj, jemi përgatitur shumë mirë dhe tani duhet të tregojmë veten në fushë”.
Pyetja– Nga Kosova vazhdojnë të largohen lojtarë, më të fundit Daku dhe Muja… Kemi lojtarë që janë pjesë e Gjermanisë apo Zvicrës, cila është këshilla juaj për Federatën që të mos largohen më lojtarë?
Granit Xhaka: “Është pyetje e vështirë, është pozitive sepse kemi tre apo katër kom,ëgare. Kemi lojtarë q ëluajnë për kombëtare të mëdha, por gjithsecili duhet ta vendosë vetë se ku shkon. Është e vështirë ta them unë përgjigjen”.
Pyetja– Ndeshja e 150 me Zvicrën, a ke pasur më parë familjarët prezent në konferencë?
Granit Xhaka– “Nuk ka ndodhur kurrë, por këtu ndjehem si në shtëpi. Respektin dua t’iu kthej ju, ndjehem krenar që jam këtu. Nesër edhe pse jam me tjetër fanellë do t’ju bëj edhe juve të lumtur”.
Pyetja– Trajneri tha kemi ardhur për fitore, por ti je dakord për barazim?
“Nuk dua të përgjigjem” – tha ai.
