Moderatorja Xhemi Shehu ka qëndruar prej disa ditësh në jug të Shqipërisë në shoqërinë e kolegëve të programit “Portokalli”, si pasojë e turit që ky program po realizon në vend.
Mirëpo mbrëmjen e djeshme, Xhemi është rikthyer në Tiranë dhe gjëja e parë që bëri, ishte takimi me dy miqtë e saj të ngushtë: Arbana Osmani dhe Eno Popi.
Në një postim në profilin e saj në “Instagram”, Xhemi zbulon se kanë zgjedhur të darkojnë së bashku, në një vend ku “mëkatojnë” me ushqimin. Ata shfaqen duke buzëqeshur, teksa në duar mbajnë sufllaqet!
Arbana dhe Xhemi janë besnike të palestrës, ndaj ia lejojnë vetes edhe të tilla kënaqësi!
