Ditën e djeshme, 39 emigrantë humbën jetën gjatë udhëtimit nga Bullgaria drejt Anglisë, teksa ndodheshin brenda frigoriferëve të kamionit me temperatura deri në -25 gradë celsius.
Në kamion ndodhej një fëmijë dhe 38 persona të rritur, të cilët janë identifikuar ditën e sotme. Tetë prej tyre ishin femra, ndërsa 31 të tjerë meshkuj.
Sipas raportimeve të mediave të huaja, viktimat janë me shtetësi kineze.
Shoferi 24-vjeçar i kamionit është arrestuar nga policia dhe po merret në pyetje, pasi është i dyshuari kryesor për tragjedinë.
Ai quhet Morris Robinson dhe policia është në kontroll e sipër të dy shtëpive që kishin lidhje me të.
Kamioni me emigrantë u gjet i parkuar në Essex.
Pavarësisht se viktimat mund të jenë përpjekur të kërkojnë ndihmë, ekspertët thonë se thirrjet e tyre kanë rënë në vesh të shurdhër.
