Robyn Griggs, aktore e skenës, filmit dhe televizionit, e njohur kryesisht për rolin e saj si Maggie Cory në “Another World”, ka ndrruar jetë në moshën 49-vjeçare.
Griggs ka ndarë në postimet e mëparshme se ajo kishte luftuar me kancerin adeno endocervikal të fazës së katërt. Muajin e kaluar, Griggs zbuloi se kishte katër tumore, “dy tumore të reja në mëlçi, një në muskulin e barkut dhe një tjetër në nyjen limfatike në anën e djathtë”.
Griggs luajti si Stephanie Hobart për gjashtë episode të “One Life to Live” në 1991 deri në ’92, duke fituar një nominim për çmimin “Artist i Ri”. Një vit më pas, ajo filloi rolin e Maggie Cory në “Another World”, por u pushua nga puna pa paralajmërim dy vite më vonë në 1995.
Producentët pretenduan se po e çonin personazhin në një drejtim të ri, por Griggs pohoi se ajo u pushua nga puna për lidhje me John Wayne Bobbit.
Pas kësaj, Griggs u largua nga aktrimi, duke u kthyer në vitin 2003 për të punuar kryesisht në filma horror indie si “Zombiegeddon” dhe “Dr. Horror’s Erotic House of Idiots”. Merita e saj e fundit ishte filmi “Night 2” i Joey Hollywood i vitit 2015.
Griggs zbuloi diagnozën e saj të kancerit në vitin 2020.
