Ka ndërruar jetë në moshën 46-vjeçare aktorja e njohur e Hollivudit, Erica Ash. Aktorja nuk ia doli betejës së gjatë me kancerin, duke lënë në pikëllim të thellë në zemrat e të gjithë fansave dhe familjarëve të saj.
Familja e Ash gjithashtu njoftoi për vdekjen e saj, duke thënë se ajo po luftonte privatisht me një formë të pazbuluar të kancerit.
“Jemi thellësisht të pikëlluar të njoftojmë ndarjen nga jeta të vajzës, motrës dhe shoqes sonë të dashur Erica Chantal Ash (1977-2024)”, thuhej në një deklaratë të marrë nga Variety të hënën.
“Erica ishte një grua e mahnitshme dhe artiste e talentuar që preku jetë të panumërta me zgjuarsinë e saj të mprehtë, humorin dhe dëshirën e vërtetë për jetën. Kujtimi i saj do të jetojë përjetësisht në zemrat tona”, thuhet më tej.
Erica Chantal Ash u lind në Florida më 19 shtator 1977 dhe u rrit në Atlanta. Fillimisht ajo ndoqi një karrierë në mjekësi në “Universitetin Emory”. Jeta e saj mori një kthesë tjetër kur u transferua në Japoni. Atje, ajo u ndesh në një koncert kënge dhe mundësi modelimi. Këto përvoja e bënë atë të zbulonte pasionin e saj për aktrimin.
Ajo ishte më e njohur për “MadTV”, “Survivor’s Remorse”, “The Big Gay Sketch Show” të Rosie O’Donnell dhe serialin e Kevin Hart, “Real Husbands of Hollywood”.
