Viti 2016 po mbyllet me një tjetër humbje në botën e modës! Editorja 66-vjeçare e “Vogue Italia”, Franca Sozzani, fatkeqësisht u nda nga jeta ditën e djeshme pas një beteje 1-vjeçare me sëmundjen, duke lënë një trashëgimi kulturore të përhershme pas saj.
E përkushtuar për të kaluar disa nga kufijtë e modës në mënyrën më të interesante në historinë e “Vogue”, Sozzani theu një rekord prej 28 vitesh në krye të biblës italiane të modës.
Franca me djalin e saj, Francesco
Djali i vetëm i Franca-s, 34-vjeçari Francesco Carrozzini raportohet se ishte pranë saj në Milano, kur ajo u nda nga jeta.
Karriera e saj e famshme nisi me “Vogue Bambini” në 1976-n, pasi u diplomua në literarurë dhe psikologji në Universitetin Cattolica del Sacro Cuore, në Milano. Ajo u emërua kryeredaktore në “Vogue Italia” në 1988-n, rreth të njëjtës kohë kur Anna Wintour u emërua si editore e “Vogue US”.
Editorja amerikane nderoi tre dekadat e miqësisë së gjatë përmes një dedikimi emocionues, duke zbuluar se dyshja nuk ishte bërë menjëherë “shoqe të ngushta”.
Franca me editoren e “Vogue US”, Anna Wintour (e para në të majtë)
“Franca dhe unë e gjetëm veten duke hyrë në një miqësi, që unë jam shumë e lumtur dhe e nderuar të them që qëndroi për 30 vite. Kjo është gjëja që Franca më mësoi mua rreth miqësisë: Ndonjëherë duhet vërtetë ta fitosh atë”, tha ajo në uebsajtin e “Vogue”.
Editorja italiane njihet për “thyerjen e kufijve” dhe nuk ishte kundër polemikave, duke e gjetur veten në qendër të disa stuhive të tilla. Revista u akuzua për reklamimin e dhunës në familje në vitin 2014 me një xhirim të frymëzuar nga filmat horror, duke përdorur një modele të bardhë për një “tribal” dhe u kritikua për fotot me modele, përfshirë Stella Tennant dhe Karlie Kloss, që dukeshin shumë të dobëta.
Nëj tjetër numër që ka mbetur në kujtim nën udhëheqjen e saj ishte “The Black Issue” në 2008-n, e cila festonte bukurinë e femrave me ngjyrë.
Ajo u nderua së fundmi këtë vit nga “British Fashion Awards”, që i dha editores çmimin “Swarovski Fashion Award For Positive Change”.
Burimi: Daily Mail
