Një nga yjet më të mëdhenj të Bollywood-it, Sushant Singh Rajput, është gjetur i vdekur në banesën e tij në Mumbai.
34-vjeçari besohet se ka kryer vetëvrasje, tha policia në Mumbai. Edhe pse i njohur për aktrimin e tij në televizion dhe teatër, Rajput do të mbahet mend më tepër për MS Dhoni: The Untold Story, ku luajti rolin e një sportisti legjendar të Kriket.
Shumë miq të tij kanë reaguar për vdekjen e Rajput, përfshirë Kryeministrin Indian Narendra Modi, i cili e quajti atë “një aktor të ri të ndritshëm, që shkoi shumë shpejt”.
Vdekja e Rajput vjen vetëm disa ditë pas asaj të ish-menaxherit të tij.
I lindur në shtetin lindor të Bihar, Rajput la universitetin për Inxhinieri për të ndjekur një karrierë në aktrim dhe kërcim.
Fama e tij në Bollywood u rrit pas filmit të vitit 2013 Kai Po Che, i cili u vlerësua në festivalin e Filmit në Berlin.
Filmi i fundit i aktorit ishte Chhichhore, i cili u publikua vitin e kaluar. Në një reagim të fundit, regjisori i filmit Nitesh Tiwari tha se ai kishte folur me Rajput javën e kaluar.
Në postimin e tij të fundit për 10.2 milionë ndjekësit e tij në Instagram më 3 qershor, Rajput postoi një fotografi të nënës së ndjerë, e cila vdiq në 2002, kur ai ishte adoleshent.
Mes të tjerash ai shkruante: “E kaluara e mjegullt që zhduket përmes lotëve”.
https://www.instagram.com/p/CA-S3cIDWOx/?utm_source=ig_embed
