Festa e natës së Vitit të Ri u kthye në tragjedi për 26-vjeçaren libaneze, por ajo e kishte parashikuar vdekjen në këtë mënyrë. E reja mbeti e vdekur nga sulmi terrorist mbrëmjen e ndërrimit të viteve në Stamboll, por statusi i publikuar në “Facebook”-un e saj, të bën të mendosh se e reja e ka parashikuar se diçka e keqe do t’i ndodhte.
“Shpresoj të kalojmë bukur (në Turqi), skenari më i keq do të ishte të vdisja në ndonjë sulm dhe t’i bashkohesha mamit tim”, kishte shkruar Rita Chami, mamaja e së cilës ka humbur jetën së fundmi pas një beteje me sëmundjen e kancerit.
Ajo u nda nga jeta bashkë me të fejuarin e saj Elias Ëardini dhe 37 persona të tjerë në lokalin e natës Reina në Stamboll. E ndjera ndiqte studimet në Universitetin Amerikan të Shkencës dhe Teknologjisë në Liban dhe është një nga historitë rrëqethëse të sulmit të tmerrshëm.
Atentatori, i cili nuk është ende nga policia, vrau fillimisht një polic dhe një civil në hyrje të lokalit, përpara se të qëllonte me një breshëri plumbash drejt 600 njerëzve që po festonin mbrëmjen e Vitit të Ri.
Burimi: Metro
