Lidhja e Miley Cyrus dhe mikeshës së saj, Kaitlynn Carter, u pa nga të gjithë thjesht si një romancë verore.
Dy vajzat udhëtuan nëpër Europë së bashku dhe sa hap e mbyll sytë lidhja e tyre mori fund.
Miley nisi romancën e re me Cody Simpson, mirëpo dikush po e vuan ndarjen!
Për “Elle”, Kaitlynn ka treguar se ajo ende nuk e ka marrë tërësisht veten pas ndarjes, pasi kishte rënë në dashuri me Miley-n.
“Teksa unë dhe shoqja ime kaluam gjithë gushtin bashkë nëpër Europë, duke u përpjekur të hidhnim pas krahëve ndarjet, lindi romanca me një femër. S’e mendoja kurrë që do të isha aq e dhënë pas saj, siç nuk isha me askënd tjetër. Para atij udhëtimi s’e kisha menduar kurrë atë në mënyrë romantike.
Ndonëse nëpër media lidhja jonë u quajt “flirt vere”, për mua ishte shumë më shumë se aq. Zbulova veten. Për herë të parë, unë dëgjova veten, harrova normat dhe jetova. Uroj që kujdo t’i jepet kjo mundësi, për të kuptuar cili version i vetes ndihen më mirë.”- ka thënë Kaitlynn.
