Ariana Grande dhe Pete Davidson do të duhet të fillojnë të paguajnë faturat tona mjekësore me goditjet e njëpasnjëshme që po na japin. Çdo 5 minuta ka një të re nga lidhja e tyre e dashurisë.
Këngëtarja dhe komediani i “SNL” pas disa javësh takimi u angazhuan në një lidhje me njëri-tjetrin dhe pa kaluar shumë kohë u fejuan duke i befasuar të gjithë me zhvillimet e shpejta që pati lidhja e tyre.
Mirëpo lidhja e tyre po përparon aq me shpejtësi saqë askush nuk po e beson. Grande ndau një imazh të Spongebob në Instastory dhe i la atij një shkrim që na vuri në dyshime të gjithëve.
“Ne në apartamentin tonë të ri pa orendi dhe vetëm me verë të kuqe”, shkruan Ariana sipër fotos.
Ndoshta kjo është një shaka, por kaq mjaftoi dhe filluan spekulimet se bëhet fjalë për nisjen e bashkëjetesës me Davidson-in.
“Kush është ‘ne’?”
“Ku është ky apartament i ri?”
“Kur ndodhi kjo?”, ishin disa nga pyetjet që iu lindën të gjithëve.
Pas këtij postimi, Ariana Grande postoi edhe një video me filtër të Davidson-it, por nuk zbuloi më detaje të tjera.
Gjithashtu ajo postoi edhe disa foto të sajat ku shfaqej para një muri të bardhë dhe në fytyrë i vihej re lodhja. Mos vallë këto shenja po tregojnë transferimin e saj në shtëpinë e re?
Burimi: Glamour
