Në momentin që mendonim se gjithçka po shkonte për mrekulli në jetën e Dua Lipës, këngëtarja ka treguar disa probleme që e kanë shqetësuar në jetën e saj.
Ditën e djeshme në një intervistë me modelen e njohur Adwoa Aboah për të promovuar albumin e saj të dytë “Future Nostalgia”, Dua ka folur edhe për një periudhë të vështirë që ka kaluar.
https://www.instagram.com/p/B_myNi-hpIO/
Këngëtarja shqiptare ka treguar se është ndjerë e bulizuar në rrjetet sociale dhe se gjithë ai negativitet i mbledhur e ka bërë që të mendojë se nuk është mjaftueshëm e mirë dhe të ndihej e pavlerë.
“Sa më shumë gjëra të bësh, aq më shumë komente negative merr. Gjithçka po më vinte vërdallë. Ndihesha sikur njerëzit nuk kishin asgjë tjetër për të bërë përveçse të thoshin gjëra për mua. Kjo më ka mërzitur dhe më bëri të ndjehesha sikur nuk isha mjaftueshëm e mirë dhe më ndaloi të ndihem krenare për veten dhe për arritjet e mia”, është shprehur Dua Lipa.
Këngëtarja shqiptare ka shtuar gjithashtu se në momentin që vendosi të linte mënjanë rrjetet sociale e ka marrë veten. “Nuk mendoj se mund të kisha bërë albumin tim të dytë nëse nuk do të kisha hedhur mbrapa rrjetet sociale”, tha ajo.
Përsa i përket albumit Dua Lipa tregoi: “Kam bërë një album me të cilin doja të argëtohesha dhe të kërceja dhe të mos mendoja për asnjë gjë tjetër dhe besimi im u rrit me të vërtetë gjatë kësaj periudhe”.
Këngëtarja iu dha edhe një mesazh fansave të saj që të mos ushtrojnë presion tek vetja e tyre dhe t’i marrin gjërat më lehtë.
