Ndërsa të gjithë e kishin mendjen te tërmeti që tronditi të gjithë banorët e kryeqytetit dhe të Durrësit, Gjykata e Tiranës mori një vendim shumë të rëndësishëm për dy politikanët shqiptarë.
Deputeti Tom Doshi, i cili në 2015-n deklaroi se i kishin organizuar një atentat, u shpall i pafajshëm ndërsa ish-deputeti Mark Frroku u dënua me 1 vit burg.
Pavarësisht kësaj mase Frroku nuk do të shkojë në burg, ndërsa për 1 vit dhe 4 muaj do të jetë në dispozicion për shërbim prove.
Kujtojmë se Prokuroria e Tiranës në pretencën e saj kërkoi dënimin me 1 vit burg për deputetin Tom Doshi dhe ish-deputetin Mark Frroku.
Ky i fundit akuzohet për kallëzim të rremë për “atentatin” e supozuar ndaj deputetit Tom Doshi. Çështja bëri bujë në vitin 2015, kur deputeti Tom Doshi tha publikisht se kishte zbuluar një atentat që do të bëhej ndaj tij.
Burimi: Balkanweb
