Cardi B anuloi sot disa koncerte prej atyre që zëdhënësit e saj i quajtën “rrethana jashtë kontrollit të saj”.
Sipas “TMZ” ajo çfarë ka ndodhur në të vërtetë është se trupi i reperes nuk po reagon mirë pas dy ndërhyrjeve: një për heqjen e dhjamit të barkut (liposuction) dhe një për shtimin e gjoksit.
Cardi B priti të kalonte ca kohë nga lindja e të bijës Kulture në korrik të vitit të kaluar, që t’i nënshtrohej një ndërhyrjeje për ta rikthyer trupin ne formë.
Mirëpo, sipas burimeve, gjendja e saj është për momentin delikate dhe mjekët e kanë këshilluar të mos shkojë në koncerte pasi lëvizja intensive do të ishte e rrezikshme për të.
Pas ndërhyrjeve, ajo është fryrë dhe i duhet ca kohë sa trupi të shkojë në vendin e vet. Kështu, i është dashur të anulojë koncertet.
Cardi është treguar gjithmonë e hapur në lidhje me ndërhyrjet, duke e pranuar se ka zmadhuar vithet dhe gjoksin dhe se nuk ka asgjë të keqe të duash ta shikosh veten perfekte dhe ta ndryshosh.
