Ish-bashkëshorti i Jennifer Lopez, Ojani Noa, në daljen e tij të fundit në “Despierta America”, fajësoi pjesërisht Sean “Diddy” Combs për ndarjen e çiftit.
Duke folur për fundin e martesës së tij me Lopez, e cila zgjati nga viti 1997 deri në 1998, Noa tha: “Një pjesë e atij divorci ishte faji i Diddy”.
“Kur Sony erdhi dhe i pagoi asaj milionat që mori, ishte Puffy [Combs], i cili do të ishte një nga producentët e disa këngëve në albumin e parë ‘On The 6’,” tha aktori. “Këtu filloi mashtrimi, gënjeshtrat, ndarja.”
Sipas tij, ai ishte në Los Angeles për hapjen e restorantit të tij, ndërsa Lopez ishte duke punuar për albumin në Miami dhe Nju Jork.
Menjëherë pas divorcit të tyre, Combs dhe Lopez dolën si çift në vitin 1999. Ata u takuan për dy vjet, përpara se të ndaheshin në 2001. Noa pretendoi se Lopez e kishte bllokuar atë që të shfaqte koncerte televizive.
“Unë do ta pyesja Jennifer-in, çfarë të bëra që më çove në gjykatë, më ke akuzuar, ke gënjyer, ke krijuar gjëra të rreme për mua dhe ke thirrur disa kompani për të më nxjerrë jashtë dhe të ndryshme rrjetet televizive të mos më japin punë?’”, rrëfen ai.
