Dyshja fantastike në muzikë Majk dhe Getoar Selimi vendosën t’i ndajnë rrugët e tyre në muzikë. Pra (të paktën për momentin) nuk do të kemi më bashkëpunime midis dyshes.
Por, Ghetto Geasy duket se e ka plotësuar shumë shpejt boshllëkun e Majkut dhe me as më pak dhe as më shumë se me Tunën dhe Cozman-in.
Ka qenë Sejdi ajo që ka postuar në Instagram një foto ku duket me dy reperët. Të tre kanë performuar së fundmi në një koncert në Zvicër.
Kujtojmë që në fakt Tuna dhe Cozman edhe më parë kanë qenë pjesë e labelit të Getoarit. Artistja dhe Selimi madje kanë edhe një hit së bashku “MMV”, i cili padyshim ka qenë dhe është një sensacion edhe sot.
