I xhelozojmë në çdo dalje të tyre publike për mënyrën se si ata vishen dhe për trendet më të fundit të modës që na servirin. Bëhet fjalë për çiftet e famshëm të cilët në jo pak raste shërbejnë edhe si imazhe frymëzuese për fansat e tyre.
Duke u nisur nga ndikimi i madh që kanë tek publiku çiftet e famshme shqiptare, “iconstyle.al” zhvilloi një sondazh duke iu dhënë mundësi lexuesve të faqes që të votonin se cili është çifti më me stil sipas tyre.
Tashmë është zyrtare dhe ju keni zgjedhur se çifti i famshëm shqiptar më me stil është, Elita Rudi dhe Gjiko, të cilët po përflitet se në datën 23 gusht do të kurorëzojnë me martesë lidhjen e tyre të dashurisë.
Në vend të dytë është rendur dyshja e njohur e këngëtarëve shqiptar, Miriam Cani dhe Alban Skënderaj.
Ndërsa në vend të tretë lexuesit e “iconstyle.al” kanë votuar çiftin e famshëm, Marina Vjollca dhe Getoar Selimi.
