Ndërtimi i një aeroporti mbi ekosistemin e Nartës do të jetë vrastar për zonën dhe gjallesat e rralla që jetojnë në të.
Komuniteti po lufton për të ndaluar punimet që do të sjellin dëm të jashtëzakonshëm dhe po përpiqet tepër në ndërgjegjësimin për të ndaluar punimet.
Madje, kundër këtij projekti është realizuar edhe një film dokumentar, i titulluar “Ndaloni aeroportin!”.
Filmi do të dalë më 28 Qershor në kinema dhe pasqyron pasuritë e Zonës së Mbrojtur, ashtu si dhe betejën për ta shpëtuar atë.
Sipas përfaqësuesve të PPNEA autoritetet në Shqipëri kanë hyrë në garë me Ndryshimet Klimatike, se cila prej të dyjave mund ta dëmtojë më shumë mjedisin natyror. Këtë radhë, fronti i shkatërrimit është zhvendosur përreth fushave të virgjëra të peizazhit të mbrojtur ligatinor të Nartës, në të cilin po ndërtohet aeroporti më i madh i Ballkanit…
Kështu, nga njëra anë rrezikohemi nga rritja e nivelit të detit për shkak të ngrohjes dhe nga ana tjetër, nga shtimi i presionit urban për shkak të zhvendosjes kaotike të popullsisë drejt brigjeve.
Në tridhjetë vjet kemi parë degradimin e peizazhit, por tani rrezikojmë zhdukjen, jashtëzakonisht të shpejtë, të jetës së egër. Në vend që të luftojnë për ruajtjen e saj, të nxitur nga lakmia për më shumë para, ne po i japin një mbështetje më shumë katastrofës.
“Ndërtimi i aeroportit tregon fillimin e fundit të Zonave të Mbrojtura në Shqipëri”, – konstaton Aleksandër Trajce, Drejtor Ekzekutiv i PPNEA.
