Reperi amerikan Ka vdiq papritur në New York City të shtunën, më 12 tetor, në moshën 52-vjeçare.
Familja e muzikantit dhe producentit konfirmoi vdekjen e tij të hënën duke publikuar një deklaratë në rrjetet sociale.
“Ne jemi zemërthyer për të njoftuar vdekjen e Kaseem Ryan (1972-2024), reperit dhe producentit të njohur si Ka”, shkroi familja e yllit në një shënim në Instagram.
“I lindur dhe i rritur në Brownsville, Brooklyn, Ka jetoi një jetë në shërbim të qytetit të tij, komunitetit dhe muzikës së tij.
Si një veteran 20-vjeçar i Departamentit të Zjarrfikësve të Nju-Jorkut, ai vuri jetën e tij në vijën e parë për të mbrojtur bashkëqytetarët e tij. Ka u ngrit në gradën e kapitenit të FDNY dhe ishte reaguesi i parë më 11 shtator 2001 gjatë sulmeve në Qendrën Botërore të Tregtisë. Ai lë një trashëgimi të jashtëzakonshme si artist, duke përfshirë 11 albume solo të njohura të vetë-publikuara. Ka ka lënë pas gruan, nënën dhe motrën”, përfundon deklarata.
Për ata që nuk e dinë, Ka publikoi albumin e tij të fundit, “The Thief Next to Jesus”, më 19 gusht 2024.
