Ndahet nga jeta në moshën 91-vjeçare shkrimtari i njohur shqiptar, Naum Prifti. Mësohet se shkrimtari është ndarë nga jeta në SHBA, ku jetonte prej vitesh.
Prifti njihej gjerësisht si: shkrimtar, skenarist për filma artistikë dhe vizatimorë, eseist, dramatug, kontribut në teatrin e kukullave, publicistikë dhe artikuj kritikë, duke u kthyer në një figurë shumë e rëndësishme e letrave dhe kulturës shqiptare.
Naum Prifti lindi më 7 mars 1932 në Rehovë. Në 1970-72 ka pasur përgjegjësinë si redaktor përgjegjës për buletinin “Skena e fëmijëve”, pranë Shtëpisë Qendrore të Krijimtarisë Popullore, Tiranë dhe si inspektor teatri në Ministrinë e Arsimit dhe të Kulturës gjatë 1974-76.
Në këto vite ka shërbyer edhe si pedagog i jashtëm për Letërsinë Shqipe në Universitetin e Tiranës.
Në vitin 1991, emigroi në Amerikë (New York), ku vazhdoi të kontribuonte për komunitetin shqiptar dhe për letërsinë shqipe.
Prifti ka fituar shumë çmime për veprat letrare si vëllime me tregime, novela, letërsi për fëmijë, humor dhe skenarë filmash dhe në vitin 2001 u nderua nga Ministria e Kulturës dhe Lidhja e Shkrimtarëve me “Penda e Argjendtë”, për vëllimin “Nëna e Diellit”.
