Aktori i njohur kosovar, Shkëlzen Rraci, ka mbyllur sytë përgjithmonë në moshën 44-vjeçare.
Ai ka humbur betejën me kancerin, i cili i ishte shfaqur që para 10 vitesh.
Lajmin e hidhur e ka bërë të ditur kolegu i tij, aktori Xhelal Haliti. Sipas këtij të fundit, varrimi i të ndjerit do të bëhet në New York.
“Qenka e veshtirë ti them lamtumirë mikut tim të shtrenjtë Shkelzen Rraci, shokut e kolegut tim të dashur që nga studimet, e pastaj edhe projektet e shumta të përbashkëta. Kemi kaluar kohën më të mirë së bashku, shumicën e kohës duke qeshur me batutat që i kishte të përkryera. Kemi udhëtuar bashkë gjithandej brenda dhe dhe jashtë vendit. Vërtetë e vështirë, kishim ende punë e plane për bërë. Ikja jote miku im do të le zbrazëti të madhe në shoqërinë tonë. Ke qenë shumë i afërt entuziast. Na mbetet të kujtojmë çdoherë miku im, energjin që kishe do ta kemi motiv e shembull për punë. Shprehim ngushllime familjes Rraci kolegëve e shokëve. Lamtumirë miku im i shtrenjtë Xeni ?. Të pushoftë shpirti në paqe ?”- shkruan aktori.
Shkëlzen Rraci u bë i njohur për publikun nga seriali “Cimerat” (2006-2010).
Ai ka qenë gjithashtu edhe pjesë e teatrit dhe shumë filmave.
