Komediani i njohur amerikan , Charlie Murphy ka ndërruar jetë mëngjesin e së mërkurës në moshën 57-vjeçare. Sipas menaxherit të tij, Charlie vdiq nga leukemia, në një spital në New York.
Ndërkohë familjarët e të ndjerit thanë se janë të shokuar nga ky lajm, pasi sipas doktorëve gjendja e tij shëndetësore po përmirësohej. Vdekja e tij vjen pas asaj të bashkëshortes, Tisha Taylor Murphy, e cila u nda nga jeta në vitin 2009 nga kanceri i qafës së mitrës. Ata kishin dy fëmijë bashkë, ndërsa Charlie kishte dhe një fëmijë tjetër nga një marrëdhënie e mëparshme.
Charlie është vëllai i madh i komedianit, Eddie, me të cilin kishin bashkëpunuar në filmat “Are We There Yet”, “The Boondocks”, “Norbit”, dhe “Vampire in Brooklyn”.
Burimi: TMZ
