Është ndarë nga jeta në moshën 89-vjeçare, agjenti i parë 007. Aktori Sir Roger Moore, i njohur për rolin kryesor në filmin e famshëm “James Bond”, ka humbur betejën me kancerin.
Ai ka vdekur në Zvicër, njofton familja e tij:
“Me zemër të thyer duhet ta japim lajmin e tmerrshëm se babai ynë, Sir Roger Moore, vdiq sot. Jemi të shkatërruar”, ka shkruar në “Twiter” familja e tij.
Moore-t i ishte ofruar për të luajtur karakterin e James Bond, por për shkak të konflikteve me rolet e tij televizive, ai nuk ishte në dispozicion. Kur Connery hoqi dorë nga roli, Moore u kërkua përsëri dhe bëri filmin e tij të parë të James Bond në vitin 1973, “Live and Let Die”.
Ai bëri më pas gjashtë filma të tjerë si agjenti 007 gjatë një periudhe prej 12 vjetësh, duke e bërë atë aktorin më të gjatë në këtë rol. Kur ai u tërhoq nga roli në vitin 1985, ishte 58 vjeç.
Moore i kishte vizituar fëmijët kosovarë në kampet e refugjatëve në Maqedoni në vitin 1999.
I asistuar nga punëtorët e UNICEF-it, Moore u ka shpërndarë lodra fëmijëve kosovarë që ishin refugjatë në kampet e refugjatëve në Maqedoni, në vitin 1999.
Ai në atë kohë ishte ambasador i vullnetit të mirë i UNICEF-it.
