Ish-Zonja e Parë e SHBA-ve, bashkëshortja e George H.W. Bush, Barbara Bush, është ndarë nga jeta në moshën 92-vjeçare.
Zyra e Xhorxh H.W. Bush konfirmoi lajmin e trishtë të martën, përmes një deklarate, ku thuhej:
“Ish-Zonja e Parë e Shteteve të Bashkuara të Amerikës dhe një përkrahëse e kulturës familjare, Barbara Pierce Bush, është ndarë nga jeta më 17 prill 2018 në moshën 92-vjeçare.
“Ajo ka lënë pas bashkëshortin e saj prej 73 vjetësh, Presidentin George H. W. Bush, pesë fëmijë dhe bashkëshortët e tyre, 17 nipër e mbesa, shtatë stërnipër; dhe vëllain e saj Scott Pierce. Vdekja e saj erdhi pasi fëmija i saj i dytë, Pauline “Robin” Bush u nda nga jeta, pasuar nga vëllezërit dhe motrat e saj, Martha Rafferty dhe James R. Pierce”.
Statement by the Office of @GeorgeHWBush on the passing of Barbara Pierce Bush this evening at the age of 92. pic.twitter.com/c6JU0xy6Vc
— Jim McGrath (@jgm41) April 17, 2018
Gruaja e Presidentit të 41-të të SHBA-ve, ishte aktive në politikën e Shtëpisë së Bardhë për dekada të tëra, duke filluar me rolin e saj si Zonja e Dytë gjatë viteve 1980 nën administratën Reagan.
Ajo punoi pa u lodhur ndërkohë që kishte gjashtë fëmijë me bashkëshortin e saj, duke përfshirë Presidentin Xhorxh W. Bush.
“Deri në frymën e saj të fundit, ish-Presidenti George H.W. Bush i mbajti dorën Barbara-s”, tha një zëdhënës i familjes.
Çifti kishte qenë bashkë për 73 vjet, që nga takimi i tyre kur ishin adoleshentë në prag të Luftës së Dytë Botërore.
