Aktori Milto Profi është ndarë nga jeta në moshën 80-vjetare.
Profi bënte pjesë në plejadën e artistëve që kontribuuan në teatrin “Aleksandër Moisiu”, aty ku luajti dhjetra role, i njohur veçanërisht për ato me karakter komik.
Profi filloi të punonte si aktor në moshën 30 vjeçare dhe njihet nga role në pjesët “Prefekti” e “Martesa”, “Mulliri i Kostë Bardhit”, “Njerëz mbi shkëmb”, “Çështja e inxhinier Saimirit”.
Ende nuk është bërë i ditur shkaku i vdekjes së tij, ndërkohë homazhet për aktorin e ndjerë do të zhvillohen në teatrin “Aleksandër Moisiu” të enjten.
