Aktori i mirënjohur dhe i dashur shumë nga shqiptarët, Bud Spencer, ndërroi jetë pasditen e djeshme, më 27 qershor. Për shqiptarët ai njihet gjerësisht edhe si “Polic këmbëmadhi”.
Lajmi u konfirmua nga i biri Giuseppe Pedersoli: “Babai ndërroi jetë qetësisht rreth orës 18:15. Nuk vuajti, na kishte të gjithëve pranë. Fjala e tij e fundit ishte “Faleminderit”.
Me rolet e tij ai u kthye një personazh i dashur dhe heroik në të gjithë botën.
Kush ishte Bud Spencer?
Bud Spencer lindi më 31 tetor 1929 në Napoli. Ai u kthye në një aktor italian të njohur dhe komedian, i cili ka luajtur për një kohë të gjatë filma komiko-aksion me aktorin e njohur italo-amerikan partnerin e tij Terence Hill.
Karriera e tij fillon në vitin 1951, por ajo më së shumti merr vrullë gjatë viteve 70-dhjeta kur së bashku me aktorin tjetër komik Mario Girott, por i njohur si Terence Hill, luajtën 20 filma të cilët ishin të pëlqyeshëm për publikun.
Përveç aktrimit Bud Spencer ka qenë edhe një ish-notar profesionist gjithashtu edhe prodhues filmash, Gjithashtu ai është diplomuar për juridik dhe po ashtu kishte qenë edhe pilot helikopteri dhe ai kishte hapur një fond për bursa për studentet e rinj.
Burimi: Daily Mail
