Lidhja e këngëtares Çiljeta Xhilaga me portierin e Partizanit, Alban Hoxhën, prej 2 vitesh është shndërruar në kryefjalën e mediave rozë. Edhe pse vazhdimisht janë fotografuar nën shoqërinë e njëri-tjetrit dyshja e njohur as nuk e ka mohuar dhe as e ka pohuar publikisht lidhjen e tyre.
Vetëm pak javë më parë qarkulloi lajmi se Albani dhe Çiljeta kishin festuar 2-vjetorin e lidhjes së tyre me një festë intime, disa pamje të së cilës këngëtarja i ka publikuar në story-n e “WhatsApp”-it.
Por pa kaluar shumë kohë nga festa e tyre e 2-vjetorit, Albani dhe Çiljeta kanë bërë një lëvizje që na ka befasuar të gjithëve. Dyshja e njohur nuk e ndjekin më njëri-tjetrin në “Instagram”.
Mbase çifti mund të jetë duke kaluar një krizë në lidhjen e tyre. Zakonisht personazhet VIP e paralajmërojnë ndarjen e tyre me mos ndjekjen e njëri-tjetrit në rrjetet sociale. Ne shpresojmë që kjo të jetë vetëm një zënkë e radhës e çiftit dhe jo një ndarje përfundimtare.
