Para pak kohësh u raportua se me datën 29 mars, 2019, do zhvillohej misioni i parë hapësinor me astronaute femra.
Anne C. McClain dhe Christina H. Koch u përfol se do ishin astronautet në fjalë, të cilat me vullnet të plotë pranuan që të ishin pjesë e misionit.
Mirëpo, së fundmi gjërat kanë ndryshuar!
NASA është detyruar që të zëvendësojë McClain me kolegun e saj mashkull Nick Hague sepse nuk ka mjaftueshëm kostume hapësinore për të dyja femrat.
Sipas “The New York Times”, kostumi i McClain dhe Koch kishte nevojë për një tjetër përbërës në mënyrë që të ishin plotësisht të sigurta, por NASA dispononte vetëm një të tillë.
Duke qenë se vetëm pak ditë na ndajnë nga dita e shënuar, ka qenë e pamundur që kostumi të rregullohet dhe të jetë plotësisht gati edhe për astronauten tjetër.
Koch dhe Hague do të udhëtojnë në hapësirë për të përmbushur një mision i cili zgjat në total 6 orë.
