Politikanin Nard Ndoka e mbajmë mend që u rikthye shumë në formë gjatë spektaklit “Dance with me”, ku kërcente çift me Greta Koçin.
Ishte një ngjarje në botën e spektakleve shqiptare, pasi asnjëherë më parë një politikan nuk kishte qenë pjesë e spektakleve të tilla, të cilat zgjasin disa javë.
Asokohe, vihej re ishte edhe fakti që Ndoka filloi të humbasë peshë falë provave të shumta që bëheshin për spektakël. Madje, vetë deputeti kishte pohuar se i pëlqente fakti se falë këtij angazhimi ai po humbiste peshë.
Në pushimet e verës, gjithashtu Nard Ndoka është parë të jetë mjaft aktiv me lojëra volejbolli dhe not.
Por, fotot e sivjetshme në plazhet e Jugut janë paksa zhgënjyese.
Këtë vit fotot e publikuara nga “Panorama” tregojnë se, Ndoka është duke bërë pushime absolute dhe pasive, në biseda të gjata me familjarë dhe miq dhe vazhdimisht ulur. Por ajo që vihet re lehtë është se si i rimori kilogramët që humbi me kërcimin.
Tashmë ka goxha punë për të ulur përsëri barkun.
