“Pantera e zezë” vazhdon të jetë ende e tillë! Pavarësisht se ka mbi 20 vite që tregon trupin në pasarela, Naomi Campbell tërhoqi sërish vëmendjen të shtunën, në “Gala Spa Awards” në Baden-Baden të Gjermanisë.
45-vjeçarja dukej fantastike me një fustan të zi pothuajse transparent në pjesën e sipërme dhe i gjatë deri në fund të këmbëve. Copa e zezë nuk ia mbulonte fare “asetet”, duke i kënaqur sytë të gjithëve.
Në këtë mbrëmje, Naomi u nderua me çmimin “Idhulli i Bukurisë”, që vlerësonte suksesin e saj në botën e modës dhe punën e saj në fushën e bamirësisë.
“Mundohem të kujdesem sa më shumë për veten. Më pëlqen të zbavitem, por punoj shumë. Gjithashtu, përdor shumë produkte kozmetike”, u shpreh Naomi lidhur me “sekretin” e bukurisë së saj.
