Najada Çomo është një ndër emrat më të përfolur kohët e fundit për pozicionin që ajo ka në mjekësi në luftën kundër koronavirusit dhe së fundmi mbi kandidaturën e saj të bujshme për deputete.
Një ndër gjërat që e identifikonin atë ishin flokët në të kuqe të ndezur dhe vetullat të zeza të theksuara, por sot “e braktisi” këtë look.
Ajo ka qenë e ftuar këtë mbrëmje në “Piter Pan” ku dhe u shfaq me një pamje krejtësisht tjetër me flokë në ngjyrë më të çelët dhe më pranë kafes së hapur, gjithashtu edhe vetullat shumë natyrale.
Epo s’ka dyshim që të gjithë u surprizuam nga look-u më i ri i doktoreshës më të përfolur në vend.
Ajo ka treguar një nga historitë më të bukura që ajo mban mend në profesionin e saj: se si e takoi 20 vite më vonë, një djalë të cilit i kishte shpëtuar jetën kur lindi.
“Spitali ka edhe histori të vështira, edhe histori të gëzuara. Më të gëzuarat janë kur njerëzit shërohen dhe më të vështirat janë kur njerëzit nuk jetojnë më. Përveç se janë shëruar shumë njerëz nga Covid-19, gjatë këtij viti sigurisht që një ngjarje që mua më ka lënë gjurmë është kur përpara 20 vitesh, ka qenë e shtruar një grua e re, e cila ishte shtatzënë. Ajo duhet të lindte para kohe sepse ashtu ishte historia e sëmundjes dhe unë isha e detyruar ta çoja natën për të lindur bebin në kushte të vështira. Dhe aty historia ime me atë grua u mbyll sepse puna vazhdoi përdit. Unë nuk e dija, por pas 20 vitesh ajo gruaja u shtrua përsëri në spital dhe më thotë mua që ky është ai djali, që ishte një djalë 19 vjeç, që ka shpëtuar atëherë përpara 20 vitesh. Sigurisht që për mua ishte një kujtim shumë i bukur nga ana profesionale”, u shpreh Çomo.
