Për një grua shtatzënë nuk ka moment më të bukur dhe emocionues se goditjet e bebit në bark. Të gjitha nënat e reja përpiqen ta memorizojnë këtë çast e sigurisht ta ndajnë me gjithë të tjerët. Të njëjtën gjë ka bërë edhe Emina Çumulaj. Ditën e sotme ajo ka udhëtuar me avion dhe gjatë këtij udhëtimi mbi re ka ndjerë disa goditje nga bebushi i saj.
Ajo e ka xhiruar këtë moment dhe e ka publikuar në Instagram.
“Prisni.. kjo është dashuria”, shkruhet mbi videon e Eminës.
Në 11 prill modelja zbuloi përmes një fotografie shumë të ëmbël se është në pritje të një fëmijë të tretë. Me një foto përkrah dy vajzave të saj, modelja shqiptare zbuloi lajmin e ëmbël dhe gjininë e bebushit. Ajo tregoi se së shpejti do të sjellë në jetë një djalë dhe vajzat e saj do të bëhen me vëlla.
“Mezi po presim që të njohim vëllain tonë”, shkruhej në truporet e vajzave dhe të Eminës.
“Vogëlushi është rrugës dhe ne jemi të gjithë shumë të lumtur”, shkroi modelja përkrah fotos.
View this post on Instagram
Më herët Emina ka treguar se në muajt e parë ka qenë shumë keq nga gjendja shëndetësore dhe se ka qëndruar për një kohë të gjatë shtrirë në krevat pa lëvizur.
“Isha shumë sëmurë tresemestrin e parë, nuk gatuaja, nuk lëvizja, rrija në krevat, ndihesha keq. Por tani që barku është rritur unë mund të stërvitem pak dhe mund të ha çfarë të dua, sepse në tresemestrin e parë haja vetëm karbohidrate”, ka treguar Emina.
