Tayna është gati të lancojë këngën e saj më të re të përgatitur në Zvicër, aty ku qëndroi për një periudhë të gjatë ndërkohë që Kosova ishte në karantinë totale për shkak të pandemisë së koronavirusit.
Pas kthimit në Kosovë, reperja ka ndryshuar edhe look duke ia besuar atë mjeshtrit të flokëve, Kaci Lleshit. Në disa fotot të fundit të publikuara në Instagram, këngëtarja shfaqet me flokët rozë të super të gjatë, dhe gjysmë të kapur.
“Hola papi”, shkruan reperja teksa publikon njërën nga fotot, ku fansat kanë shpërthyer me komente të tipit: “Kur do e publikosh këngën e re”!
https://www.instagram.com/p/CB3hVb1AuYh/
Nuk e dimë nëse ndryshimet e radhës janë si pasojë e ndonjë videoklipi të ri në xhirim e sipër, apo thjesht për dëshirën e reperes.
Tayna udhëtoi drejt Zvicrës në kohën kur Kosova kishte kufijtë e mbyllur, për të finalizuar disa projekte mes të cilëve edhe një klip i ri.
Pa mbërritjes së saj në Kosovë, fansat janë në pritje të këngëve të reja, të cilat me sa duken do të jenë hite vere.
Epo, mezi po presim!
