Vitin e shkuar, Chrissy Teigen dhe John Legend përjetuan një nga ngjarjet më tragjike në jetën e tyre. Dyshja ishin në pritje të fëmijës së tretë, i cili fatkeqësisht nuk mundi të vinte në jetë. Madje ata kishin zgjedhur edhe emrin Jack për të voglin, por ai nuk arriti të njihej me familjen. Chrissy e ka kujtuar shpesh vogëlushin në rrjete sociale dhe së fundmi edhe nëna e saj ka bërë një gjest shumë prekës.
Nëna e Chrissy Teigen, Vilailuck Pepper Teigen, i ka dedikuar librin e saj më të ri nipit të ndjerë, Jack.
“Ne flasim për të çdo ditë. Luna flet për të çdo ditë dhe kjo është mënyra se si ne e kujtojmë”, u shpreh ajo gjatë një interviste, teksa foli për vendimin e dedikimit të librit vogëlushit.
Ndër të tjera Vilailuck Pepper ka treguar se tashmë familja ka filluar të ndihet mirë pas kësaj humbje të madhe dhe se Chrissy e ka marrë veten.
Kujtojmë se pas kësaj ngjarje të rëndë, Chrissy mori dhe një vendim drastik. Ajo vendosi të mos ngelet kurrë më shtatzënë.
“Kjo jam unë dhe trupi im. Edhe pse unë nuk jam më shtatzënë, çdo gjë në pasqyrë më kujton se si mund të ishte. Dhe unë nuk kam asnjë ide pse e kam barkun të fryrë, sinqerisht është shumë e mërzitshme. Më pëlqen shumë të jem shtatzënë dhe ndihem e trishtuar që nuk do të jem kurrë më. Por jam me fat që kam 2 fëmijë të mrekullueshëm që po transformohen në njerëz të rritur çdo ditë e më shumë”, u shpreh modelja pak kohë më parë.
