Moderatorja Jona Spahiu, e cila në shtator të vitit që lamë pas u bë nënë për herë të parë, është larguar përkohësisht nga televizioni.
Ajo ka vendosur t’i përkushtohet vogëlushit Raiden dhe ende nuk dihet se ç’plane ka moderatorja për rikthimin në ekran.
Mirëpo, ajo ka vendosur të vijë në një intervistë me Dojna Memën, për të na folur për zhvillimet e jetës së saj dhe për të na treguar për jetën si një mama e re.
Në videon promo të emisionit, të publikuar në profilin e Dojnës në Instagram, Jona na ka prekur zemrat me deklaratën e saj.
Ajo është pyetur nga moderatorja se nëse do të kishte mundësi të rikthente të atin e ndjerë në jetë, do ta bënte për të shoqëruar Jonën në altar, apo për të parë të voglin Raiden.
Pa hezituar dhe e prekur nga kujtimi i të atit, Jona tha menjëherë:
“Të shihte Raiden”
Presim të mësojmë pjesën tjetër të rrëfimit të saj në intervistën që ende nuk është publikuar.
