Kemi pritur kaq shumë që të shohim një foto të Elitës shtatzënë, sigurisht, të publikuar nga vetë ajo.
Dhe moderatorja shqiptare më në fund ka konfirmuar shtatzëninë në klipin e fundit të bashkëshortit Gjiko, ku shfaqet edhe vetë në rol kryesor.
Klipi duket si një film aksion, ku një femër e nervrikosur (Elita) sulmon dhe përndjek një mashkull (Gjikon). Gara me makina, armë, gjuajtje, thika dhe shumë momente të frikshme shfaqen në klipin e ri, i cili fatmirësisht ka një fund shumë të lumtur.
E gjithë situata është një ëndërr e keqe që reperi ka parë, dhe kur zgjohet ai sheh bashkëshorten që fle pranë tij, me barkun e rrumbullaksur.
Epo a ka mënyrë më origjinale për të treguar se do të bëhen prindër! S’e besojmë të gjeni tjetër!
