Organizata e pavarur dhe jofitimprurëse, World Press Photo, ka shpallur si foto të vitit një imazh që na ka tronditur të gjithëve!
Në konkursin e përvitshëm të fotografive, si fotoja e vitit u vlerësua fotografia e Evgeniy Maloletka për Associated Press, që shkrepi imazhin tronditës ku disa punonjës të urgjencës transportuan një grua shtatzënë në maternitetin e shkatërruar të qytetit ukrainas, Mariupol.
E plagosur, me gjak në trup e në duar, gruaja 32-vjeçare mbante barkun e saj me dorë duke dashur të mbrojë foshnjën.
Ajo vdiq për shkak të plagëve, disa minuta pasi solli në jetë foshnjën që e pagëzuan me emrin Miron, që përkthehet ‘Paqe’.
