Sindi dhe Melisa ishin një nga dyshet që patën përplasjen më të ashpër në “Për’puthen”. Disa muaj më parë dy vajzat nisën një debat të fortë me njëra-tjetrën, i cili degradoi më pas edhe në ofendime të rënda. Në gjaknxehtësi e sipër Sindi u shpreh se Melisa shkon me një mashkull vetëm për një kafe, një deklaratë që e preku shumë ish-konkurrenten.
Për një kohë të gjatë dy vajzat nuk folën me njëra-tjetrën dhe u desh ndërhyrja e nënave të tyre që gjithçka të sheshohej. Sindi i kërkoi publikisht falje Melisës dhe tha se ishte nxituar para se të fliste e se kishte keqkuptuar fjalët e saj. Madje sot të dy vajzat ndajnë një miqësi të ngushtë me njëra-tjetrën, aq sa Sindi nuk ka nguruar të tregojë se e ndjen mungesën e Melisës në program.
Gjatë një bisede virtuale me ndjekësit, dikush e ka pyetur Sindin:
“A të ka marrë malli për ndonjë vajzë në Për’puthen që nuk është më?”.
Sindi është shprehur se e ka marrë malli për Melisën dhe i ka uruar suksese.
“Për Melisa Lleshin që i uroj shumë suksese dhe lumturi në jetë dhe karrierë”, është përgjigjur Sindi.
Këto fjalë i ka ripublikuar Melisa në profilin e saj, që i ka shkruar Sindit me shaka: “Gjeje dashurinë tani hajdeee”.
