Justin Bieber është një ndër emrat më të komentuar të muzikës në mbarë botën.
Këngëtari njihet gjithashtu për stilin e tij të veçantë, ku në fokus vihen re përherë tatuazhet e shumta që ai ka në trup.
Së fundmi ai tregoi se i ka bërë premtime vetes se nuk do të bëjë tatuazhe në duar pasi dëshiron që t’i mbajë ato të pastërta.
“I kam premtuar vetes që nuk do të bëj tatuazhe në duar”, është shprehur artisti.
Ai ka treguar gjithashtu se ka tatuazhe të cilat do të donte që t’i fshinte menjëherë.
Së fundmi, Justin ka publikuar këngën e tij më të re “Anyone” (On The Road) në videoklipin e të cilës shfaqet ai dhe Hailey Baldëin, në vendet të cilat kanë vizituar së bashku. Përqafime të ngrohta dhe shumë dashuri…
“Nëse s’do ishte Hailey, s’do ishte askush tjetër!”- këndon Justin ndër të tjera. Në shtator të 2018-ës, Justin dhe Hailey do të kurorëzonin dashurinë, që sipas tyre i ndihmoi të rriteshin dhe të mësonin shumëçka së bashku.
Teksa më në fund Justin ka gjetur paqen shpirtërore me besimin në Zot dhe vazhdon të bëjë muzikë dhe të shijojë suksesin e karrierës së tij, dikur gjërat nuk shkonin fort mirë për të. Më herët, këngëtari ndau në llogarinë e tij në Instagram një foto të shtatë viteve më parë, ku shfaqej i arrestuar nga policia dhe tregonte se nuk ishte aspak krenar për veten në atë periudhë.
