Prej disa kohësh Ronela Hajati dhe Young Zerka përfliten për një lidhje mes tyre, por deri tani asnjëri prej tyre nuk ka pranuar një gjë të tillë.
Ditën e djeshme i ftuar në emisionin “Fun Day” me Fatmën, Zerka u pyet se pse nuk e pranonte lidhjen me Ronelën pasi ata janë kapur disa herë “mat”.
Hera e fundit ishte kur dyshja ishin me pushime në Santorini, por detaji që kishte kapur “Intv.al” i nxorri zbuluar pasi këngëtarja kishte postuar një foto ku dukej edhe Zerka.
Por pavarësisht kësaj ai vazhdoi ta mohonte duke thënë: “ Në Santorini ishte Ronela me shoqërinë e saj”.
Por Fatma nuk e la me kaq dhe vazhdoi ta ngacmonte këngëtarin duke i thënë: “E di si është puna, sa më shumë ta mohoni, aq më shumë do vazhdojnë njerëzit t’iu kapin mat”.
“Ne do të vazhdojmë ta mohojmë. Çdo gjë ka kohën e vet, kështu që do t’ja lemë kohës” – ishte përgjigjia e Zerkës thuajse konfirmuese mbi lidhjen e tyre.
