Tea dhe Berati janë çifti më i diskutuar i momentit në showbiz. Pasi skandali i lidhjes së tyre u bë publik, në media dhe në rrjet kanë qarkulluar thashetheme të shumta për ta.
Dyshja kanë sqaruar çdo gjë në një intervistë për herë të parë si çift në “Roped With Olsi”.
Ata thanë se tashmë janë qetësuar pas gjithë situatës së ndodhur dhe se ju deshën disa ditë sa të mësoheshin me gjithë vëmendjen që morën.
Së fundmi, mësohet nga autorja e programit, Olsa Muhameti se çiftin do ta shohim në ekran këtë të dielë në “Për’puthen Prime”.
Ajo ka njoftuar përmes disa videove në InstaStory se surpriza e kësaj të diele në program do të jetë prezenca e Teas dhe Beartit.
“Jam shumë e emocionuar në fakt. Sapo kemi mbyllur xhirimin e “Për’puthen Prime” të episodit të fundit që do të vijë të dielën në orën 21:00 në Top Channel edhe ju siguroj që është një super Prime. Do të prezantohen kandidatët e “Për’puthen 40+”. Kemi dhe një surprizë tjetër që do të ju njoftoj për pak se cila është”, është shprehur Olsa në InstaStory-t e saj.
Ndërkohë pas pak minutash, ajo ka publikuar foton e Teas dhe Beartit në studion e “Për’puthen” krahas së cilave shkruan:
“Tea dhe Beart të dielën në Për’puthen Prime”.
Siç duket dyshen do ta shohim këtë të dielë në “Për’puthen”, këtë rradhë jo si konkurrentë, por si çift. Na mbetet vetëm të presim se çfarë do të rrëfejë çifti.
