Të gjithë i mbani mend zënkat e bujshme të Teas dhe Shqipes gjatë emisionit “Për’puthen”.
Ato u zunë e u grinë me njëra-tjetrën, u ofenduan pafund dhe Shqipja i nxorri publikisht sekretet Teas, duke zbuluar lidhjen e saj të fshehtë me Beartin dhe lojën e saj me Andin.
Për muaj të tërë, debatet e tyre e thumbat e ashpër në rrjete sociale kanë qenë kryefjala e mediave, por s’thonë kot që gjithçka në atë emision bëhet për show.
Kjo pasi edhe dy “armiket e përbetuara”, Tea dhe Shqipja, janë bërë sërish bashkë.
Ato do të jenë të dyja të ftuara të dielën (nesër) në emisionin “E diell” në “Top Channel” dhe s’po i besojmë dot syve e veshëve!
Ishte Shqipja ajo që ndau në InstaStory një foto të edituar nga fansat, ku shfaqej portreti i bashkuar i të dyja vajzave.
Shqipja e identifikoi veten si vullkan, teksa Teas i vendosi një akull.
“Mos e humbni nesër, kemi mysafirë specialë”- ka shkruar Shqipja krahas postimit, duke na bërë kuriozë të gjithëve.
Ndërkohë, Tea e cila i ka dhënë fund marrëdhënies me Beartin, po rikthehet në emisionet shqiptare për të treguar versionin e saj të historisë dhe ndarjes së bujshme me ish-konkurrentin.
