Donald Trump shpallet “Personi i vitit” për 2016-n nga revista “Time”. Presidenti i sapozgjedhur u shpall si fitues në emisionin “Today”, duke mundur kandidatët e tjerë, përfshirë Hillary Clinton, Beyonce dhe Vladmir Putin
Në këtë listë ishin përfshirë edhe 11 kandidatë të tjerë, përfshi këtu ish-kandidaten demokrate Hillary Clinton; gjimnastin rekordmend gjatë Olimpiadës së Rios, Simone Biles; yllin e muzikës Beyonce; themeluesin e “Facebook”, Mark Zuckerberg; si dhe presidentin rus Vladimir Putin.
“Time” shpalli kryeministrin indian, Narenda Modi, si fitues të sondazhit të lexuesve për vitin 2016. Ai fitoi një sondazh të tillë edhe dy vite më parë.
Vitin e kaluar, fituese e çmimit ishte kancelarja gjermane, Angela Merkel. Ndër fituesit e tjerë në vite kanë qenë edhe Papa Françesku, Presidenti Barack Obama, Rudy Giuliani, Adolf Hitleri dhe “The Computer”.
Përzgjedhja e përvitshme vendoset nga kryeredaktorët e revistës “Time” dhe zakonisht rezulton një person, një grup, një ide apo një objekt, që ka pasur ndikimin më të madh në lajmet e vitit. Tradita ka nisur në vitin 1927 me përzgjedhjen e aviatorit të famshëm Charles Lindbergh.
“Është e vështirë të mohosh ndikimin e jashtëzakonshëm të Trump-it në lajmet e vitit 2016, për mirë apo për keq”, thuhet në argumentimin e kësaj përzgjedhjeje.
Ju pyesni për arsyet e zgjedhjes së tij?
Nancy Gibbs, kryeredaktorja e revistës “Time” shpjegon: “Vendi kaloi një fushatë elektorale të ndarë, më shumë se në çdo zgjedhje të tjera që kemi kaluar. Shumë njerëz thonë që zgjedhja e personit të vitit është një nder, dhe ndër vite kemi parë njerëz që kanë ndikuar. E di që shumë njerëz nuk do të jenë dakord, por është një surprizë ajo që ndodhi në 2016-n”.
Burimi: Daily Mail
